NAVOIY VILOYATI JARAYON
-
Navoiy Mintaqaviy yo‘llarga buyurtmachi xizmati davlat muassasasi buyurtmachiligida “Sarmozor Trans” MCHJ tomonidan Zarafshon shahriga olib kiruvchi yangi avtomobil yo‘li barpo etilmoqda.
Xususan, xalqaro ahamiyatga ega A379 “Navoiy–Uchquduq” avtomobil yo‘lining 198-kilometridan Zarafshon shahriga olib kiruvchi 3,5 kilometr uzunlikdagi zamonaviy avtomobil yo‘li qurilmoqda.
Mazkur loyiha doirasida 4 va 6 tasmali yo‘l barpo etilishi, yo‘lning ikki tomonida suv qochirish lotoklari, piyodalar va velosiped yo‘laklari qurilishi, shuningdek, zamonaviy yoritish tarmoqlari o‘rnatilishi rejalashtirilgan.
